يامية ولكم ومية هلا

وربي من بدا رمضان وانا ركض بركض ...ماقدرت اروق ولا يوم

....> تكفين ياللي عمرك روقتي

وحبيت اليوم اشارك ..لان اللقيمات شي مقدس عندنا بالعيله

لكن هالطريقه تختلف اختلاف بسيط قلت اصورها لكم

* *

{ المقادير

كاسين طحين

4ملاعق ك حليب بودره

4ملاعق ك نشأ

1 ملعقه ك خميره

2ملقه ك زيت

ومويه حسب الحاجه

نعجن المقادير مع بعض وتكون شبه سايله

زي ماهو باين بالصوره

ونتركها تختمر

البعض بعد ماتختمر يضيف لها بيضه ويرجع يخفقها

لكن انا ماحب البيض ...أخاف تتفقع بوجهي

نجهز الملعقه والزيت اللي بنشكل فيهم العجينه

ونحمي الزيت ... يكون غزيييير

وما نخليه يحتمي مره

لو طلع منه دخان ماااينفع ابد ... بتحترق اللقيمات وماراح تضبط

ونستمر نقلبها طووول الوقت بتاخذ لها من 7 الى 10 دقايق

لازم نقلبها لاجل تتحمر مضبوط وتصير ذهبيه

نشيلها من الزيت الحار ونصفيها ...ونحطها وهي حاره بالشيره

الشيره لازم تكون ثقيله مو خفيفه

لاجل تغلف اللقيمات وماتتشربها

ونقدمها

وهذي هي قدامكم ذهبيه ومدوره وطعمه

شايفين الفراغات من داخل يممي اشتهيتها

يارب تكون اعجبتكم

وهذا شي بسيط اقدمه لكم

وسامحوني على القصور